Mirror Arts
Joomla Templates and Joomla Extensions by JoomVision.Com
Notice
  • Simple Image Gallery Pro Notice: Joomla!'s /cache folder is not writable. Please correct this folder's permissions, clear your site's cache and retry.
Tuesday, 04 June 2013 17:30

Jane Eyre

Rate this item
(0 votes)
Jane Eyre

චාලට් බ්‍රොන්ටේ විසින් රචිත Jane Eyre සිනමා තීරයකට ගොනු කිරීම අතිශය ප්‍රබල අභියෝගයකි. ඒ,මොයිරා බුෆිනි හට එම කෘතියේ පිටු පන්සියයක් පැයකුත් විනාඩි තිහකට ලඝු කිරීමට සිදු වීම නිසා ම නොව, 1910 වසරේ සිට මේ දක්වා චිත්‍රපට සහ ටෙලිනාට්‍ය තිහකට අධික සංඛ්‍යාවකට Jane Eyre වකතාව පාදක වී තිබීම ද නිසාය.කෙසේ වුවද බුෆිනි ඒ සියලු අනුහුරුවල තිබූ පොදු දුර්වලතා මඟ හැරලමින් ප්‍රබල තිර පිටපතක් රචනා කිරීමට සමත් වන අතර එහි අග්‍රඵලය ද ඇකඩමි සම්මානය ඇතුළු සම්මාන රාශියක් සඳහා නිර්දේශ වීමට තරම් ප්‍රබල වෙයි.

1965 දී උපන් වොයිරා බුෆිනි බ්‍රිතාන්‍ය ජාතික වේදිකා නාට්‍ය ශිල්පිනියක,අධ්‍යක්ෂවරියක මෙන් ම රංගන ශිල්පිනියක ද වන්නීය. එංගලන්ත වේදිකාව මත අතිශය ජනප්‍රිය චරිතයක් බවට පත්ව සිටින බුෆිනි ලෝක ස්ත්‍රීවාදී ව්‍යාපාරයේ වැදගත් නිර්මාණයක් ලෙස සැලකෙන චාලට් බ්‍රොන්ටේගේ Jane Eyre කෘතිය සිනමා තිරයට නැඟීම තුළ පෙන්වූ ශක්‍යතාව හේතුවෙන් මෑතකදී ලෝකාවධානය දිනා ගත්තාය.

ඉතිහාස කතාවක් හෝ නවකතාවක් වෙනත් ආකෘතියකට පරිවර්තනය කිරීමේදී, තිර පිටපත් රචකයාගේ දෙඋර මත පැටවෙන වගකීම‍ කෙතරම් දැයි ඇය ලොවට කියන්නීය. නිධානය, ගම්පෙරළිය,විරාගය වැනි අනුහුරු හැරුණු කොට ලෝක තලය ස්පර්ශ කළ වෙනත් චිත්‍රපට හෝ ටෙලිනාටක අල්පයකින් පමණක් පෝෂණය වූ ලාංකේය සමාජයට මේ සම්මුඛ සාකච්ඡාව මාර්ගෝපදේශයක් බවට පත් වේ යැයි අපි උදක් විශ්වාසය පළ කරමු.

ඔබ පළමු ව බ්‍රොන්ටේගේ නවකතා ඇසුරු කළේ කුමන කා‍ලයේදී ද?
එවිට මට වයස පහළොවක් පමණ වන්නට ඇති. ඇත්තට ම ඇගේ Charlotte කෘතිය මට මේසය මත තැබීමට නොහැකි වුණා. එහි භාෂා භාවිතයේ තිබුණු උසස් බව සහ අදහස්වල තිබුණු තියුණු බව නිසා එය කියවීම දුෂ්කර වුවත්,ඒ තරම් ලාලිත්‍යයකින් රචිත වෙනත් කෘතියක් මා කියවා තිබුණේ නැහැ. මා අදටත් විශ්වාස කරන්නේ ඇගේ Jane Eyre තරම් ලතාවකට නිර්මාණය වුණු වෙනත් කෘතියක් මා කියවා නොමැති බවයි.එය මා තුළ හෘදයාංගම බලපෑමක් ඇති කළා.එය සිදු වූයේ එහි තිබෙන ගැඹුරු සහ අද්විතීය ප්‍රේම වෘත්තාන්තය නිසාම නොවෙයි, එමඟින් සමාජය පිළිබඳවත්, ධනය සහ දුප්පත්කම පිළිබඳවත්, ගැහැනිය සහ පිරිමියා පිළිබඳවත් කතා කර තිබෙන දේ නිසායි.

ඔබ මේ චිත්‍රපටයට සම්බන්ධ වුණේ කෙසේ ද?
BBC චිත්‍රපට ආයතනයJane Eyre චිත්‍රපටයකට නැඟීමට කල්පනා කරන බැව් මට මගේ මිතුරකු මාර්ගයෙන් දැන ගන්නට ලැබුණා. ඉන්පසුව මගේ ඒජන්තවරයාට කතා කළ මම'අනේ,කොහොම හරි මට හමුවීමක් ලැහැස්ති කර දෙන්න’ යි ඔහුගෙන් ඉල්ලා සිටියා.ඇත්තෙන් ම මා මෙම කාර්ය පසුපස හඹා ගියා.

එම කෘතිය තුළ වෙනස් වූ ලක්ෂණ ගණනාවක් තිබෙනවාග ඔබ Jane Eyre ුටුවේ කෙසේ ද?
එය ඉතා ම උද්‍යෝගිමත් සහ ගැඹුරු කෘතියක්. ඇත්තෙන් ම එය ප්‍රේම කතාන්දරයක් වශයෙන් වර්ග කරන්නට අපහසුයි. මා එය හඳුන්වන්නේ නොතිත් ත්‍රාසජනක කතාන්දරයක් ලෙසයි.ජේන් යනු අප්‍රසන්න පැරණි නිවසේ අනතුරකට බඳුන් වීමේ අවධානමක් තිබෙන තරුණ කාන්තාවක්.ෆෙයාර්ෆැක්ස් මහත්මියත්, ප්‍රංස දැරියත් නිසා මේ නිවසේ යම්කිසි සැඟවුණු අභිරහසක් ඇති බවට ඉඟි පල වෙනවා. ඉන්පසුව පාඨකයාට හමු වන්නේ රොචෙස්ටර් මහත්මයායි. ඔහු විටෙක ඉතා ම සුහදශීලි,අපූරු චරිතයක් වුවත්, තවත් විටෙක ඉතාම රළුල ගුප්ත චරිතයක් බවට පත් වෙනවා.එහෙත් ඇය ඔහු කෙරේ පෙමින් බැ‍ඳෙනවා.මෙම කතා රාමුව "Beauty and the Beast" කතාන්දරයට සමානයි.

ඔබ නවකතාව අනුහුරු කර ගැනීමට පිවිසුණේ කෙසේ ද?
මට කෙසේ හෝ එය කිරීමට අවශ්‍ය වුණා.තිර පිටපත ලිවීම මට පැවරුණු පසු මෙම අතිවිශාල පිටු ප්‍රමාණය සමඟ ගනුදෙනු කරන්නේ කෙසේදැයි මා භීතියට පත් වුණා. මන්ද මෙම පොත ලෝකයේ බොහෝ දෙනකුගේ ප්‍රියතම නවකතාව. මමත් ඒ අතරින් කෙනෙක්. ඒ නිසා මට තිරය මත දැකීමට අවශ්‍ය දේ මම ලිවුවා. එය ඉටු කිරීමේදී මා නවකතාකාරිය බවට පත් වුණා. "චාලට් බ්‍රෙන්ටේ, ඔබේ නවකතාව වෙනස් ම ආරක ආකෘතියකට පෙරළීමට මම එය අවුල් කරන්නයි යන්නේ” යි මම කිවුවා. පිටු හත්සියයක් පැය එකහමාරකට ඇතුළත් කරන්නට බැහැ. එම නිසා නවකතාවක් සිනමාවට අනුහුරු කිරීමේදී මුහුණ පෑමට සිදුවන ප්‍රධානත ම අභියෝගය නම් තමන් ඉවත් කරන්නේ කුමක්ද යන්නයි.

ඔබ නවකතාවේ ආකෘතිය පවා වෙනස් කළා නේද?
මං චිත්‍රපටය ආරම්භ කරන්නේ ජේන් අයර් තෝන්ෆීල්ඩ් මන්දිරය හැර යන අවස්ථාවෙනුයි.ඉන්පසුවයි, ඇය එම අවස්ථාවට පත් වුණු ආකෘතිය ප්‍රේක්ෂකයාට ඉදිරිපත් කරන්නේග Jane Eyre අනුහුරු කළ නිර්මාණවල තිබෙන පොදු දුර්වලතාව නම් ඇය ජෝන් රිවර්ස් සහ ඔහුගේ සහෝදරියන් දෙපළ සමඟ ගත කළ වසරක කාලය නොසලකා හැරීමයි.

ඇයි කතාවක ආකෘතිය මේ තරම් වැදගත් වෙන්නේ?
චිත්‍රපටයක පළමු විනාඩි පහළොව තුළ ම ඔබ අලුත් චරිත හඳුන්වා දීමට වැය කරනවා එය නිෂ්ඵල ක්‍රියාවක්. මා මෙය පළමු දළ සටහන සකස් කරන විට ම අවබෝධ කර ගත්තා.එම නිසා මා සමස්ත ආකෘතියම වෙනස් කළා. චිත්‍රපටය තුළ ජේන් තමන්ගේ ජීවිත කතාව අතීතාවර්ජනයක් ලෙස ඉදිරිපත් කරන නිසා මෙහිදී ඇයට තෝරා ගත් සිද්ධීන් කිහිපයක් පමණක් භාවිතා කිරීමේ අවකාශය ලැබෙනවා.

මීට පෙර Jane Eyre ාදක කර ගත් නිර්මාණ සමඟ ඔබ ගනුදෙනු කළේ කෙසේ ද?
මා ඒ කිසිත් නොබැලීමට තීරණය කළා.අනෙක් මිනිසුන්ගේ අදහස් මත මා ගිලී යාවි යැයි මා බිය වුණා. මා 80 සහ 90 දශ‍කයේ නිර්මාණය වූ චිත්‍රපටවල කොටස් කිහිපයක් නැරඹුවත් මගේ සහ අධ්‍යක්ෂවරයාගේ සිත් ගත්තේ 1944 දී නිර්මාණය වී තිබෙන Orsen Welles ගේ චිත්‍රපටියයි. එහි භාෂා භාවිතය ඉතාම උසස්. බ්‍රොන්ටේගේ භාෂා විලාසය එලෙසින්ම රැක ගැනීමට මා උනන්දු වූයේ එය නැරඹීමෙන් පසුවයි.

ඔබ ලිවීමට වඩාත් ප්‍රිය කළ කොටස කුමක් ද?
ජේන් සහ රොචෙස්ටර් ගිනි උඳුන අසළ සිටින දර්ශනය.එය ලිවීම අභියෝගයක් වුවත්, ඔවුන් භාෂාව තුළින් ප්‍රේමය වැලඳගන්නා ආකාරය මගේ සිත් ගත්තා. අනෙක් කරුණ නම් ෆෙයාර් ෆැක්ස් මහත්මියගේ චරිත නිරූපණයයි.බොහෝ අය ඇය නොවැදගත් චරිතයක් ලෙස නිරූපණය කර තිබුණත්,කතාවේ එන ප්‍රබලතම චරිතයක් ලෙස මා ඇය හඳුනා ගන්නවා.මවක නොමැතිව හැදී වැඩෙන ජේන් හට ඒ අඳුරු මන්දිරය තුළ හමුවන උණුසුම් රූපකාය ඇයයි.

චිත්‍රපටයේ එන චරිත නිරූපණය කළ යුතු රංගන ශිල්පීන් කවුරුන්ද යන්න පිළිබඳ ඔබේ දැනීම කෙබඳු ද?
මා අධ්‍යක්ෂවරයා සමඟ මේ පිළිබඳ දීර්ඝ ලෙස සාකච්ඡා කළා.ජේන් අයර් චරිතය නිවැරදිව රඟ දක්වන්නේ නම් අපගේ උත්සාහය සාර්ථක වන බවත්, එය සිදු නොවුණොත් ජේන් සහ ‍රොචෙස්ටර් අතර ඇති සම්බන්ධයේ කිසිදු පදනමක් නැති වෙන බවත් අප තේරුම් ගත්තා. Mia Wasikowska සහ Michael Fassbender පළමු දර්ශනය තුළ රඟ පෑ ආකාරය දුටු මම මගේ උත්සාහය මල්ඵල දරන බවට විශ්වාසය තැබුවා.

Jane Eyre යනු චිරස්ථායි නවකතාවක්.එය මෙතරම් සුවිශේෂී වන්නේ කුමක් නිසා ද?
ඇගේ දෙමාපියන් ඇයට වසරක් පිරෙන්නටත් ප්‍රථම මිය යනවා,කිසිදු ආදරයක් නොමැතිව ඇය නිවසක හැදී වැඩෙනවා, ඇයව දරුණු පාසලකට යවනවා,ඇයට සිටි එකම යෙහෙළිය හෙලන් බ.න්ස්ව ඇගෙන් ඈත් කරනවා. ඇගේ දෛවය විසින් ඇයට කෙතරම් තාඩන පීඩන එල්ල කළත් ඇය දිගින් දිගට ම සටන් කරනවා.ජේන් අයර් යනු යටත් කළ නොහැකි චරිතයක්. ඇය ගැහැනියක ලෙස‍ හෝ පරාධීන සමාජ තලයක සාමාජිකාවක ලෙස හෝ ඇගේ දෛවය පිළිගැනීම ප්‍රතික්ෂේප කරනවා. අප තවමත් ඇයට ආදරය කරන්නේ මේ නිසායි. ගැහැනියගේ ජීවිතය පිරිමියකුගේ ජීවිතය තරම් සුඛදායී විය නොහැකි වන්නේ මන්දැයි ඇය ප්‍රශ්න කරනවා.

චාලට් බ්‍රොන්ටේ මෙම නවකතාව රචනා කිරීමෙන් අනතුරු සමාජය තුළ බොහෝ දේ සිද්ධ වුණත් ජේන් අයර් අදටත් අපට ආමන්ත්‍රණය කරනවා. ආදරය සොයා යාමේ ඇගේ අරගලය තුළ මානුෂික බවක් තිබෙනවා ,එම නිසා ඔබ තරුණ වියේ පසුවන්නකු වුවත්,මහලු වුවත් ඔබ ජීවිතයේ පරාජය වී සිටින්නකු නම් මෙම කෘතිය කියවීම හරහා ඔබට ජීවිතය ජය ගැනීමට අවශ්‍ය කරන ශක්තිය සහ බලාපොරොත්තු නො අඩුව ලැබෙනු ඇති.
http://www.youtube.com/watch?v=2COl3dyviMs
http://www.youtube.com/watch?v=cQT7-hFfCvE

වොයිරා බුෆිනි විසින් රචිත චිත්‍රපට තිරපිටපත්
Marianne Dreams(2007)
A Vampire Story(2008)
Jane Eyre (2011)
වේදිකා නාට්‍ය
Jordan (1992)
Silence (1999)
Loveplay (2001)
Green land (2011)

2011 මාර්තු මස 05 වනදා අන්තර්ජාලයේ පළ වූ සම්මුඛ සාකච්ඡාවකිණි
හසිත පෙරේරා
උපුටා ගැනීම පුන්කලසින්

Image Gallery

{gallery}1529{/gallery}
Read 561 times
Body
Background Color
Text Color
Background Image